- » Castellano
- » English
Aurkezpena
Bilboko Portu Agintaritza Estatuko Portuen Erakunde Publikoaren barruan dago eta Legeak zehaztutako eskuduntza eta betebehar batzuk ditu.
Eskuduntza garrantzitsuenen artean, zerbitzu orokorrak baimentzea, kontrolatzea eta eskaintzea dago, baita portuko zerbitzuen eta erabileren ordenamendua ere, administrazio eskudunekin lankidetzan. Modu berean, Portu Agintaritzaren esku dago portuko lanak eta zerbitzuak eta horietan agindutako itsasoko seinaleak planifikatzea, egitea eta ustiatzea.
Portu Agintaritzaren zeregina da, halaber, portuko domeinu publikoa kudeatzea. Horrek kudeaketa ekonomikoa optimizatzea eta portuko trafikoarekin zerikusia duten industria eta merkataritza jarduerak errentagarri egitea dakar. Gero eta garrantzia handiagoa du portuan dauden garraio modu guztiak kudeatzeko eskuduntzak.
Eginkizunak
Portu Agintaritzak hainbat eginkizun bete behar ditu bere eskuduntzen arloen barruan. Ekonomiaren arloan, Portu Agintaritzen eginkizunen artean honako hauek daude, besteak beste: Portu Agintaritzako ustiapenen eta ondasunen eta eskainitako merkataritza zerbitzuen tarifen aurrekontuak onartzea, eta horiek eta emandako emakidetatik eta baimenetatik sortzen diren tasak biltzea. Modu berean, Portu Agintaritzaren esku dago elkarteetan parte hartuko duen edo ez erabakitzea.
Azpiegituren arloan, Portu Agintaritzak Portuko zerbitzu eremuen erabilera arautu, hirigintza plangintza orokorra aurrera eraman eta azpiegiturako lanak egin behar ditu, eta portuko domeinu publikoa erabiltzeko baimenak ere eman behar ditu.
Segurtasunaren arloan, Portu Agintaritzak portuko zerbitzuen eta poliziaren Araudi orokorraren proiektua egin behar du eta dagozkion arauak onartu. Bere eginkizunen artean dago salgai arriskutsuak onartzeko, manipulatzeko eta biltegiratzeko orduan arauak betetzen diren edo ez kontrolatzea.
Azkenik, Portu Agintaritzak nazioarteko merkataritza politika kudeatu behar du, Administrazio organo guztien artean koordinatzaile gisa lan egin behar du, langileen etengabeko prestaketan inbertitu behar du eta portuko jarduerarekin eta jarduera hori egiten den ingurumena babestearekin lotutako gaiei buruzko azterketak eta ikerketak egitea bultzatu behar du.
Campo Volantín, 37 - 48007 Bilbao - Bizkaia
Tfnoa. 94 487 12 00 - Faxa 94 487 12 08
