Itsasoko Autopista
Transfennicaren itsasontzia TRICA
Itsasoko autobideak - bideragarritasuna, errentagarritasuna eta entrega-epeak kontuan hartuta, bi porturen arteko ibilbiderik onena, errepidez egindako ibilbide berarekiko - Europako Batasunak sustatuta sortu ziren, errepideko garraioaren kostu handiei eta ingurumen-arazoei aurre egiteko helburuarekin.
Shortsea Shipping-eko beste zerbitzu batzuekin alderatuta, errepideko garraioaren eskaintza antzekoagoa dute.
Hainbat erakundek egindako azterketen arabera, itsasoko autobideek abantaila handiak eskaintzen dizkiete garraiolariei errepidearekin alderatuta; esaterako, distantziak laburtzea eta gastu orokorretan aurreztea –(% 6,7 eta % 18 artean).
2007ko irailean jarri zen martxan Kantauriko lehen itsas autopista Espainia eta Belgika artean. Transfennica ontzi-konpainiak astean bost irteera eskaintzen ditu Bilbotik Belgikako Brujas portura gidaririk gabeko kamioiak, plataformak, edukiontziak eta high & heavies deiturikoak garraiatzeko baliabidez hornitutako hiru itsasontzi modernorekin. Hoztutako salgaiak ere onartzen ditu.
Bidaiak 38 ordu irauten du, eta astelehen, asteazken eta ostiraletan ateratzen da bi portuetatik.